Poesia
- Xehetasunak
- Nork idatzia: Azkarate Torner, Gorka
- Kategoria: POESIA
- Bisitak: 25211
AZKARATE TORNER, Gorka " Keinuak"Luma berrien eleak 2008 6.zenb, 46 or. Maitasun gutun bat idatzi nahi nizuke. Baina ez naiz, dagoeneko, hitzak kateatu eta esaldiak borobiltzeko gauza. Lore sorta bat oparitu nahi nizuke, larrosa eta krabelinez betea, udaberri heldu berriaren ikur. Baina badakizu, ureztatu ezean, behiala lorategi emankor izana belar txarren haztegi bilaka dezakeela denboraren joanak.
- Xehetasunak
- Nork idatzia: Maia Urroz,Ainara
- Kategoria: POESIA
- Bisitak: 25438
MAIA URROZ,Ainara "Udaberri negutua" Luma berrien eleak 2008 6.zenb. 42 or. Egunak DIDA batean pasatzen dira eta ohartzerako udaberrian gaude, baina ni neguan… Negu minean nago oraindik udaberriko hego haizearekin dantzan, zorabiaturik, ohartu gabe jada udaberrian gaudela ohartu gabe atzoko eguna gaur dela DIDA batean!
- Xehetasunak
- Nork idatzia: Artolazabal Amilleta, Amaia
- Kategoria: POESIA
- Bisitak: 25557
ARTOLAZABAL AMILLETA, Amaia " Erroia " Luma berrien eleak 2008 6.zenb. 45 or. Parkean euliei larariei belarrira oihu egiten zien, sugalindarei buruan kosk, saguei azkazalak etenĖ Denek ihes egiten zuten eta bera zoriontsua zen. Etxean loroari larari lumak erretzen zizkion, arrainari tripak hautsi, txakurrari belarria jan, denek negar egiten zuten, eta bera ezin zen zoriontsuago izan.
- Xehetasunak
- Nork idatzia: Artolazabal Amilleta, Amaia
- Kategoria: POESIA
- Bisitak: 27930
ARTOLAZABAL AMILLETA, Amaia " Hegoaldiak " Luma berrien eleak 2008 6. zenb. 45 or. Ostrukak dabilzkit buruan hegan. Begi-ninietako gatzagetan egin dituzte habiak eta negarrez itoko dira. Baina bitartean buruan ostrukak hegan.
- Xehetasunak
- Nork idatzia: Orzaiz Galarza,Ion
- Kategoria: POESIA
- Bisitak: 26179
ORZAIZ GALARZA,Ion"Tabako kartoietan idatzitako testamentua" Luma berrien eleak 2008 6. zenb. 41 or.Zorionak, txo! erraten ziguten denek. Gaur zu eta biok gaude, bakarrik. Ardo mikaztua eta ginebra kiratsa, xanpainaren eta Mariak prestatzen zuen tartaren suzedaneo tristea. Zerua urratu eta eguzkia ukitu nahi, baina hatzak kiskali genituen, banan-banan. Erremina sendatzeko, begiak itxi eta hartzazu, hartzazu beste bat.
- Xehetasunak
- Nork idatzia: Vives Urbieta,Alaitz
- Kategoria: POESIA
- Bisitak: 26468
VIVES URBIETA ,Alaitz " Mugakook" Luma berrien eleak 2008 6. zenb. 43 or. Mugan bizi garenok barrura begiratzen dugu, baina, begi ertzetan ageri da bestaldea. Eta haren lilura. Mundu berria, arrotza, traidorea. Mugan bizi garenok noizik eta behinean mugaz bestaldean bizi direnen begi niniak ikusten ditugula egiten dugu amets, zuhaitz adasken artetik. Beltzak dira, diztiratsuak agian. Mugan bizi garenok gorputza erdi arrotz, erdi hotz sentitzen dugu; Erdia baino ez bagina bezala, mugako.
