Gidoiak eta antzerkia

Luma berrien eleak
Luma berrien eleak
Luma berrien eleak
Luma berrien eleak
Luma berrien eleak
Luma berrien eleak
Luma berrien eleak
Luma berrien eleak
Luma berrien eleak
Luma berrien eleak

Erabiltzailearen balorazioa: 5 / 5

Star ActiveStar ActiveStar ActiveStar ActiveStar Active
 
Maite zaitut
luma7_25  
altavoz  
 
- Maite nauzu?
- Bai, maite zaitut.
- Ez, ez esan horrela. Utzi liburua eta begiratu begietara!
- ¿??????????
- Maite nauzu?
- Baina, zer da lelokeria hau? Zertara dator?
- Ikusten? Ez nauzu maite. Ez zara hori esateko kapaz, niri begira.
- Ez dizut esan behar. Badakizu horrela dela.
- Nik ez dakit ezer, zuek esaten ez badidazu...
- Hitzek ez dute garrantzirik. Ekintzek, ordea, bai.
- Eta horrekin zer esan nahi duzu?
- Uste dut, egunero, egiten dudanarekin nire sentimenduak adierazten dizkizudala...
- Ah bai? Egun osoa ematen duzu lanean. Afaltzera etortzen zara eta, batzuetan, ezta horretara ere, bakarrik lo egitera.
- Badakizu bolada txarra pasatzen ari garela lanean...
- Bai, badakit, baina orduan ez esan ekintzekin frogatzen duzula maite nauzula.
- ?????????????????
- Ez nauzu maite, behar nauzu, baina maite ez.
- Hori ez da egia...
- Nirekin bizitzen ohitu zara. Gainera, behar guztiak ase dituzu: janaria prest, arropa lisatuta armairuan, etxea txukun, gauza guztiekin arduratzen den emakume isila...
- Aski dugu, ezta?
- Ez, ez  dugu aski. Egun osoa ematen dut  etxean, bakarrik, zure zain, zure afaria prestatzen, zure arropa lisatzen, zure gauzekin  arduratzen... eta zertarako? Zu etxera heltzeko eta begietara ez begiratzeko.
- Zer nahi duzu nik esatea? Ba, ez , ez zaitut  maite. Egia da. Ez nintzen zurekin maitemindu baina erosoa zinen: emakume zintzoa, garbia, etxerako oso egokia... Nik bizimodu lasaia nahi nuen eta banekien zurekin izango nuela.....
- ???????????????????????
- Zure lagun txoriburu horrekin, Alaiarekin,  maitemindu nintzen. Txora-txora eginda  nengoen. Zurekin ateratzen hasi baino lehen zer sentitzen nuen adierazi nion.
- ???????????????????????????????
- Berak erantzun zidan ez zela inoiz ezkonduko, libre bizi nahi zuela, ez gizon baten  esklabo, bere ama bezala.
- ??????????????????????????
- Orduan zurekin ateratzea erabaki nuen berarengandik hurbil egoteko.
- ???????????????????????
- Berarentzat gorde izan ditut hitz goxo guztiak, berarentzat izan dira nire maitasun keinu guztiak, berari eman dizkiot laztan  eta besarkada guztiak....
- ??????????????????
- Hori entzun nahi zenuen? Ba hortxe duzu:  ez, ez zaitut maite. Bera maite dut. Betidanik eta betiko......

Maku Noriega

BABESLEAK

Laguntzaileak:

  orkli