Sargori dago giroa. Eguzkiak bete-betean jotzen dio kopeta Mireni autoko leihotik. Gustura hartuko lukeen, berak nahi bezala hondartzara joango balira; Donostiara bidean doaz, bai, baina hondartzarik gabe geratu beharko dute momentuz. Amak baiezko hitza eman dio «bukatzean galernarik ez badator, hondartzara joango gara». Nahiago lehenengo plaiara eta gero galerna sartzean lanak, pentsatu du Mirenek. Zerua orain dago urdin, orain joan behar da bainua hartzera...