UDABERRIAN I
Irudia: Lina Bo Bardi
Boterea banatzen den
ohearen alde horretan esertzen zara
goizero zapatak janzteko.
Boterea erdibitzen den alde horretan
inertziak zimurtzen dituelako izarak
ondoren ametsek besoak zabal ditzaten.
Boterea makurtzen zaizu
paparretik gora,
begirada bat nahikoa baita
maileguak kulunkaren oroitzetan erortzeko.
Ez aitzitik, audioak
autoayuda liburuak,
bezpera ateratako fular keztuak 
eta ezta ere hitz egiten duguna,
dena da logelako pasioaren lekuko ohia.
Zergatik galdetuko duzu,
ulertu gabe
isiltasuna bakardadearen alde dela
tarteka norbera entzun
eta nor bere kontra ere egiteko.
Bitan banatu zaidalako boterea erditik
dira orain horma bi
askatasunerako.
Besoak luzatu eta zapatak janzten dituena naiz,
isla bat gehiago bestearen ispiluan.
Badator udaberria.
