Idazle Eskolak Hatsa elkarteak irailaren 18an Senperen antolatatuko saioan parte hartuko du Karmele Igartua kidea omentzeko

Karmele Igartua Bengoa

Urtero-urtero antolatzen du Hatsa Elkarteak egun pasa poetikoa Senpereko Larraldea etxean. Aurten, hilaren 18an izango da, aipatu lekuan. Badira zenbait urte Bergarako Idazle Eskolak bertan parte hartzen duela. Aurtengoa ordea berezia izango da: izan ere, Karmele Igartua Idazle Eskolako kide zendu berriari omenaldi moduko bat egingo zaio. Honela, eguna “Maite ditugun olerkariak, Karmele Igartua bihotzean!” lemapean ospatuko da. Karmelek maiz parte hartu izan du Hatsa Elkartearen hitzordu poetiko honetan, eta bere hainbat olerki ere irakur daitezke Hatsaren poesia bilduman.

Egitaraua

Goizeko 10:00etan hasiko da eguna. Ordu honetan elkartuko dira  parte hartzaileak Larraldea etxean. 11:00etan mendi ibilaldian abiatuko dira: Zugarramurdiko “Urbia” lepotik “Ibaineta”ko mairu baratzera joango dira. Ibainetan Karmele Igartuari omenaldi txiki bat eskainiko zaio. Honen ostean berriro ere Larraldea etxera itzuli eta bertan egingo dute indarrak berreskuratzeko bazkari-legea, 13:30ak inguruan. 16:30ean emango zaio hasiera Bergarako Idazle Eskolak prestatutako irakurketa poetikoari. Saio honetan euren kide Karmele Igartua izango dute ardatz. Idazle atxabaltarraren hainbat testu irakurriko dituzte, eurek sortutako lanekin batera.  Saio honek emango dio itxiera egunari.

Karmele Igartuaren omenez antolatu beharreko ekintzak erabakitzeko elkartuko gara Irailaren 4ean goizeko 10etan Bergarako UNEDen, Bergarako Idazle Eskolako kideak eta nahi duten guztiak.

Bergarako Idazle Eskolak eskainiko dizkion ekitaldiez gain, antolatuko diren eta ezagutzen ditugun ekintza guztien berri eman nahi dizuegu.

Hasteko Loramendi elkarteak bere maiatzeko ekitaldiko bideoa igo du webgunera eta bertan bere liburu berriko hainbat testu ere irakurri zuen.

Karmele Igartua Bengoa idazle aretxabaltarra hil zaigu. Kurtzebarri eskolako irakasle eta urte askotan zuzendaritza taldekoa izan da, eta lan handia egin du irakaskuntza alorrean, batipat hizkuntza eta euskal kurrikuluma zabaltzen. Besteak beste, orri honetan aurki daitezkeen antzeslanak Kurtzebarri Eskolan guraso eta ikasleekin emanak izan dira.

Gerora Bergarako Idazle Eskolan izena eman eta gradu-ondokoa bukatzeaz gain, bera izan da  Bergarako Idazle Eskolako koordinatzailea , ikasleek sortutako proiektuen eragile nabarmena eta nagusiki  baita www.idazten.com orri honetako eragile nagusia.

Antzerkiaz eta iritzi artikuluez gain , bi poema liburu argitaratu ditu azken urteetan . Horietako bat Hitzak orbainetan osorik irakur dezakezu orri honetan, eta baita liburua aurkezteko Aretxabaletan egindako Ilunabar Literarioa ikusi ere.  Denbora enaren hegaletan Pamileak argitaratutako liburuaren aurkezpenerako egindako Ilunabar Literarioa ere ikus dezakezu.  Sortzeko bizi izan zen Karmele eta azken  poema liburu bat ere prestatua utzi du Itsaso kontra bat.

Itzulpengintzan ere aritu izan da eta Marina Tsvietaevaren Wilnoko gutunak itzuli zituen eta EGAN aldizkarian argitaratu. Laster Marina Tsvietaevaren beste edizio bat emango du argitara EGAN aldizkariak Tere Irastortza eta karmele Igartuaren lanak bilduz.

Aretxabaletan egin zaizkion  elizkizunen ostean, Bergarako Idazle Eskolak bere omenaldia eskainiko dio Irailean , beste elkarte batzuekinbatera egingo diren ekintzetan  Hatsa Elkartekoek Senperen eskainitako tartean aurrena.

Bere aurreneko liburua osorik eta bere lan eta iritzi guztiak irakurri ditzakezue orri honetan.Eta bere ahotsa eta bere irudiak ikus ditzakezue gure Ilunabar Literarioak atalean.

Egunotan prentsan agertzen ari diren berriak ere irakur ditzakezu orri honetan ( Berria,Gara,Diario de Noticias de Gipuzkoa,Diario vasco, Deia, Goiena, Joxe Aranzabalen bloga, Aspaldiku, Pamiela , Mondraberri ,111 akademia, Bizkaie Irratia)

Gaur, ekainaren 30an, asteazkena, Zumarragak hartuko gaitu ilunabarrean gure poesia edo sorlanak, etorri nahi duen guztiari eskaintzeko  intentzioarekin.Azken urteetan ohitura bihurtu da garai hontan Bergarako Idazle Eskolako ikasle eta inguruko idazleon artean egituratzen den saioa egitea.

Luma Berrien Eleak aldizkariaren aurkezpena egiteko eta zerbait jan eta edateko ere hartuko dugu abagunea.  Hitzordua arratseko 7,30etan izango da Zelai-Arizti Kultur Elkargunean.

BAIONAN Maiatz-en Literatur solasaldiak

Informazio gehiago

MARIBEL AIERTZAK Tigreak Hondartzan argitaratu du Elkarrekin.

Maribel Aiertza Bergarako IDAZLE ESKOLAko ikasle ohia da. Zenbait sari jaso ditu: Lehen Narrazio Lehiaketa (Gernika 1984) Antzerki Laburren sariketa (Ondarroa-1984) Txomin Agirre kontakizun lehiaketa (Ondarroa-1990), III. Eusebia Erkiaga ipuin sariketa (Lekeitio-1990). Sariketetako argitalpenetatik at, bi egileren arteko liburu bat dauka argitaratua: Lertxundi, euskaradun arte unibertsala, 1989an Argitalpen Hoberenaren Euskadi saria jaso zuena.

Orri honetan bertan irakur ditzakezue Luma Berrien Eleak aldizkarian eta Mugalari-n argitara emandako lanak.

Aurten ere ,"Hatsaren Poesia",   olerki bildumaren abentura   12 garren aldiz berrituko dute Senperen  

Tokia: Senpere (Larraldea)
Ordutegia: 12:00

Egitaraua :

12:00 : Liburuaren aurkezpena
13:00 : Bazkaria (25euro-Izenak eman behar dira)
15:00 : Idazleen Olerki irakurketa
17:00 : "Hatsaren olerki bustiak (2010)" , argazki-olerki ikuskizuna, liburuan idatzi duten guzienen olerki-testo pasarte poetikoenekin osatua.
Bestalde,  aurten  "Hatsaren Poesiaren Egun ibiltaria" Berriozar-ren  ospatuko da, Nafarroan , Apirilaren 23an