Horrexegatik
Gutxitan egiten duzu irri, ez duzu hori gastatzerik nahi.
Ederra da, garunera betiko itsasten den horietakoa,
neurrian erabilia;
horrexegatik zaizkit urriegiak;
horrexegatik naiz ni hain saiatua inozokeriak egiten;
horrexegatik zure masailak handitzen direnean, goratzen, gorritzen, eta aldez
alde alaitasuna marrazten, naiz ni zoriontsu.
Garestia, mendekotasun-sortzailea eta maitakorra duzu irribarrea;
horrexegatik zait ezinezkoa hori ahaztea, aldentzea, amesteari uztea, saiatzea.
Badakit ez duzula sekula irakurriko; horrexegatik idazten dizut.